今朝一早六點幾就响酒店食早餐,呢度啲早餐都幾多嘢食,西式日式都有好多,而且都幾好味嘅
食完早餐就去滑雪塲滑雪,心情勁興奮
搭咗個幾鐘頭車終於嚟到滑雪塲,一望吓個溫度牌......唔喺掛零下8°c
我仲驚死會凍,又著樽領冷衫又著羽絨褸仲加多件雪褸,結果越滑越熱搞到出晒汗添
滑完雪就去小樽運河 ,嚟到呢度都只喺得1.9°c,不過又真喺幾靚嘅,如果可以夜晚嚟影夜景就仲正喇
跟住去水晶音樂城,玻璃趣緻街行,可惜我呢個烏籠皇景然放低咗個相機袋响旅遊巴度,只喺攞咗部相機連後備電都冇攞就落車,所以只喺影得幾張相就冇電喇，後來行行下仲落起雪添,啲雪飄下飄下再加上個景，真喺好似去咗童話世界咁，靚到不得了，可惜我相機冇電冇得影喇
啲景咁靚都冇得影,激死我喇
跟住就返酒店Check In,呢間酒店喺呢個旅程住得最靚嘅一間
放低行李就落去食晚餐,呢度啲環境真喺一流,不過啲嘢食就唔算多
待續......
