北海道五天之旅2015-Day 1

 呢次喺我第一次去日本,真喺講出嚟都冇人信其實我廿年前已經計劃去日本喇,睇啱晒行程約好朋友當晚放工一齊去報團啦,點之當日下午就睇到新聞日本六級半大地震,大阪停水停電喎,我地就喺去大阪嘛咁咪唯有即時轉呔去咗美加囉,如時者每次計劃親要去日本都梗喺去唔成,所以呢次就喺我人生第一次踏足日本喇

原本諗住自駕遊嘅,不過怕有大風雪所以都喺跟團安全啲,今次我地跟東X遊,啱啱過咗農曆年所以團費都平晒,五日$7399,真喺平到笑

27/2/2015北海道 之旅出發喇!我地喺坐下午十二點機,要五個幾鐘先去到札幌,去到已經黃昏喇

札幌機塲

一落機就見到落緊雪真喺好開心,跟住就接咗我地去食晚餐喇,落咗車要行兩條街先到,咁就當然要一路行一路影啦

日本啲拉麵真喺好食過香港好多,就算隨便喺街邊是但搵一檔都勁好味呀

食完就返酒店Check In喇,呢間酒店好有歐州風格,已經有百幾年曆史喇

個升降機都一樣有百幾年歷史,個顯示層數真喺好得意,我都喺第一次坐啲咁懷舊嘅升降機咋

我地喺酒店附近啲便利店行吓,諗住買定啲零食同嘢飲,呢度啲便利店真喺有好多嘢賣喎

我買咗呢個抹茶大福食,嘩.....真喺好味到暈呀,返到香港都仍然對佢念念不忘,咁就唯有自己試吓整喇,又比我成功咗喎

食譜請看-自製Hello Kitty 綠茶雪糕大福