馬爾代夫七日五夜夢想之旅2010-Day 6 (上)

唔覺唔覺嚟咗馬爾代夫都已經第六日,而今日喺响呢度最後一日喇!真喺十萬個唔捨得!好唔捨得呢度,好唔捨得離開我嘅Dream House!  嚟之前睇人哋啲遊記都話,因為要11:00a.m.就要check out,但喺要等到3:00p.m.先有水上飛機接佢哋返出馬里,所以臨check out時可以有禮貌咁要求酒店延遲退房,多數都得,有啲人就話喺酒店主動要求佢哋早兩個鐘check out,就可以安排佢哋喺主島嘅沙灘屋暫時住到2:00p.m.,所以我哋就諗住照板煮碗,等佢哋主動通知我哋,如果冇叫我哋提早退房就要求佢哋比我延遲,點之.......居然比佢哋先下手為強,禽晚放低一封信喺張床度,喺通知我哋今日要11:00a.m.check out,如果想延遲退房,就比多USD$100就可以住到2:00p.m.,真喺估佢哋唔到有呢一招,可能因為太多人要求遲check out喇!睬你都儍,比多一百蚊住多三個鐘,食咗佢好過喇!  最後一日喺呢度食早餐,入到去諗起我哋都未試過坐喺出面露天位食過,最後一日就一定要試吓

今日我叫炒蛋佢哋又比咗隻烚蛋我,真喺比佢吹脹

食完返去Dream House最後一擊.....狂影

終於夠鐘要同Dream House Bye Bye喇!行行吓見到我哋啲行李車過喎!駛唔駛咁快呀!我個人都未行到去Reception check out!

Bye Bye 喇好似李斯德林嘅海水........

等埋兩隻福輝我哋就一齊過主島玩埋呢三個鐘

一落船又玩吓餵魚先,今日啲魚好似特別多,一掉啲麵包落去啲魚就好瘋狂,有片為証
http://youtu.be/jDvbFJxCMlA

餵完魚又周圍影過

喺淺水地方見到有鯊魚仔

嚟咗咁多日都未試過喺主島食過嘢,呢餐就試吓喇!

喺主島只有餐廳裏面先有免費Wifi,呢度啲嘢食選擇多過In Ocean Villa,價錢都差唔多,不過啲Service同水準就差好遠,我哋叫咗嘢食之後,等咗好耐都未嚟,咁我哋就吹吓佢喇!點之佢入都唔入去望吓就答我哋話整緊,就繼續同人吹水,我哋四個人佢就只比兩份餐具,同佢講佢就只喺比多一份,再同佢講仲差一份餐具,佢就好唔願意咁再比多份,再等咗好耐啲Pizza都仲未到,我哋要趕搭呢班船返過去,再唔嚟就真喺唔夠時間食喇!

跟住Janet就忍無可忍話,再唔嚟就同我哋取消唔要,因為我哋根本就唔夠時間食,佢先死死地氣入去睇吓,跟住就攞咗兩個燶晒嘅Pizza出嚟,真喺食到一肚火,我哋唔吹呢兩個Pizza咪仲繼續焗到唔知幾時?

返到去In Ocean Villa就同佢哋投訴,搞到我哋最後一日都玩得唔開心,臨尾先令我哋留下唔好嘅印象,跟住佢哋就同我哋道歉話一定會同嗰邊反影番,仲每人送咗杯可樂比我哋順番條氣,咁都算佢哋喇,我哋飲完條氣都順番晒!

我去廁所見到洗手盆隔離有啲手巾比人抺手,放喺面嗰條就有佢哋酒店個Logo,諗起頭先隻佬喺主島個廁所度攞嗰條喺冇喎!我出番去就話佢死蠢,點之佢就攞嗰條冇Logo手巾比我,然後就推我入去換,我換完出嚟嗰兩隻福輝見到就問我响邊度攞,King Kong就叫佢老婆入去攞,咁我就話比佢聽得一條有Logo咋,比我攞咗喇!跟住Janet就即刻叫番佢轉頭,點之佢偷完手巾返出嚟時扭親隻腳,後來仲發現嗰條喺冇Logo嘅,仲比佢老婆鬧佢死蠢,點之最後仲要唔見埋,真喺比佢哋笑死!
待續.........