喺機場度好鬼嘈,所以瞓來瞓去都瞓唔著,咪又出動周圍影啦
我望到個水牌其他航空公司都陸續有取消喎,死啦我地下班機唔知飛唔飛到呢?
真喺好既唔零,冇幾耐個領隊就走埋嚟話啱啱check到今日全日既航班都停晒,而家只有兩個選擇,一喺就等聽日嚟過機場睇吓有冇得飛,一喺就每人自己比多NZ500轉新西蘭航空,佢叫我地大家投票決定,不過一定要全團人一致,如果其中一個唔飛都要全團人留低,我地兩個就梗喺第一時間贊成比錢轉新航啦,我地喺嚟玩架嘛如果聽日都冇得飛咪死,喺機場玩手指呀???上次歐州火山灰嗰單嘢啲人都滯留咗廿幾日啦,而且女王城先喺又靚又多嘢玩,最後我地一團十二人,有六個贊成去六個話喺到等,吓......咁我地咪都要一齊冇得去囉?於是我地六個贊成既就一齊同嗰六個唔去既傾,叫佢地一齊去,但喺佢地真喺好難搞,又話冇咁多現金,又話唔想無端端比多咁多錢,明明個團喺包埋呢程機,點都條氣唔順,最終續個講服,最後只剩番兩個唔肯去,呢個時候個領隊又出場喇,佢走埋嚟話:你地要快啲決定喇,而家已經加到NZ525喇,啲機票喺好似海鮮價咁架!搞錯呀?坐地起價咁賤格
過咗一陣個領隊又走埋嚟話:唔駛諗喇!啱啱覆返嚟話聽日全日都已經繼續停航,而新航都全日只剩番五個位炸!咁剩低嗰兩個唔肯去既團友就唔去都唔得啦!最後我地一團人都另外比多NZ525一齊坐下一班新航飛過女王城,如果一開始佢地就決定轉既就可以慳番NZ25蚊啦!咁樣搞一搞我地就喺呢個機場滯留咗八個鐘,仲搞到今日冇得去睇冰川添呀,真喺發夢都記得呢個機場喇!而我地一早就想轉機嗰六個人,大家原本冇乜兩句都唔喺好熟,之後就日日一齊食嘢一齊玩喇!不過呢程機就真喺好貴,單一程個半鐘頭機要三千幾蚊港紙,咁大個女都未試過咁豪呀!
影低呢張取消咗既機票先,呢張原來只喺值九百幾蚊炸!要返到香港旅行社先退番呢程錢比我地,即喺而家呢個旅程每人額外比多咗二千幾蚊喇!
突然見到有幾個小朋友喺度勁跳Hip Hop跳好耐都唔識停
Viedo
http://youtu.be/0oPESx5O8ek
原本我地喺過到去食午餐既,但喺而家就搞到要喺機場食啲咁既嘢喇!
一落機就感覺到女王城凍咗好多,原來呢度只喺得幾度炸!奧克蘭嗰邊有十幾度架!
呢度真喺靚過奧克蘭好多,好彩我地最終都飛到過嚟,如果唔喺真喺要响奧克蘭玩足咁多日,因為回程嗰日先至全部航班回覆正常咋!
我地先返酒店Check In,呢間酒店個設計好古怪,地面大堂喺五樓,而所有房都喺樓下嗰幾層,所以每層樓既走廊都好陰深
跟住就出去食晚餐,今晚食中國菜
食完我地兩個龍女又出動周圍影夜影先返酒店,一出去就見到兩個人將個朋友用封箱膠紙包到實喺度遊街,好搞笑
影完返到酒店諗住沖涼瞓覺啦,點之古怪既事就發生喇.............
待續.......
沒有留言:
張貼留言