呢隻鶴成日都企喺個浮台度搵魚食
七點幾就去食早餐喇!入到去一個人都冇,我哋好似包場咁!
呢餐我哋叫炒蛋,點之佢哋就整咗兩隻太陽蛋出嚟
食完都唔見兩隻福輝,我哋又周圍影過
跟住就出太陽喇!啲staff真喺冇呃我哋,今日真喺開始好天喇!正.....
呢度啲staff都喺成日踏單車出入嘅,佢哋每次經過你身邊都會好有禮貌同你打招呼
然後諗住去浮潛就打比佢兩個福輝,約埋佢哋一齊去喇!點之King Kong話佢因為禽日浮潛時搽咗啲助晒嘅太陽油,諗住想曬黑啲,點之曬燶咗,而家好痛去唔到喇!吓.....馬爾代夫啲太陽咁勁,佢仲走去搽助晒油,真喺唔知個死字點寫,我哋就醒呢!除咗勁搽防晒之外仲著埋防晒衫,禽日唔喺好天都晒到隻腳都黑晒喇!所以大家千其唔好咁儍呀!
臨落去浮潛時諗起個泳池咁靚都冇喺度影過相,今日咁好天梗喺要狂影喇!
我好鐘意呢張相
露台度有兩張浮床,咁我地就攞咗落去泳池度玩到癲咗
今日好天落到水啲魚都多啲又大條啲
Maldives-Day 5-Snorkelling Viedo
好大條藍星斑,有成一尺半咁長
勁大條綠衣
一直游都喺只喺到心口咁淺水,游游吓突然深咗落去,好似一個斷崖咁,深到望唔到底喎!
浮潛完諗起我哋帶咗啲杯麵去,呢餐就食杯麵啦!食完再搭船過主島影過
睇吓個船家姿勢幾型!!!
嘩....今日好天啲景真喺靚好多,隋便影都好似一張postcard
呢啲喺主島嘅沙灘屋
主島嘅spa中心(鳴謝Simon相片提供)
因為入面唔比影相,所以呢兩張喺佢偷影嘅,佢哋兩公婆就喺呢度做spa,都好正喎!
我哋book咗6:30p.m.釣夜魚,就搭船返去in ocean villa等釣魚,今晚兩隻福輝都去,我哋就一齊喺碼頭等上船喇!未日落就已經出月光
都有好多人喺碼頭等釣魚,跟住就有兩隻船嚟到接我哋,嗰兩隻船同一時間貼埋,我哋上咗第一隻船就叫我哋再穿過去上第二隻船,當時我同Janet就先上咗去,跟住個船家就唔比King Kong同我隻佬上嚟,佢話已經滿咗要佢哋搭第一隻,King Kong就即刻話:我老婆上咗去喎!我隻佬又跟佢講,咁個船家唯有叫番兩個外國人過嗰隻船,然後放兩隻佬上嚟喇!
一開船就叫我哋上樓上甲板坐,原來喺比我哋影日落景!
我哋兩隻船喺海中相遇,當時仲未識Simon&Kimmy,原來佢哋就喺隔離隻船,我哋喺曾經擦身以過!唉.....點解唔坐過嚟呢?咁我哋咪早啲識可以一齊玩多兩日囉!
釣咗一陣King Kong就突然大叫:我釣到呀!跟住啲船家就走過去諗住幫手,但喺條魚已經走甩咗喇!佢話當時拉得唔夠快,比條魚游咗去啲石度卡住咗,咁就比佢走甩喇,佢話條魚好大力,應該好大條喎!我哋三個就一啲動靜都冇,最終釣咗兩個鐘,成隻船得一個內地人釣到一條魚咋,有冇搞錯呀.....成個海都喺魚,居然一條都釣唔到,個個都話喺馬爾代夫勁多魚釣,我有啲朋友去過都話釣到佢手軟,我哋返到香港真喺比人笑到面都黃呀!
後來問番啲成日去釣魚嘅同事,佢話啱啱落完雨,啲水質改變咗,所以啲魚就會唔開口食嘢喎!唉!早知去睇海豚喇!咁就每人冇咗USD$45喇!
釣唔到魚唯有番去食晚餐
食完返到房就見到今晚嘅禮物,喺一支比你噴喺枕頭度會令你好瞓啲嘅另外仲有一張邀請咭叫我哋去佢哋聽晚嘅雞尾酒會,然後比啲意見佢哋
佢哋有幾晚都半夜就起身去睇星星,唔怪得我哋食完早餐都唔見兩個福輝浦頭喇,我哋就晚晚一覺瞓到大天光,所以都冇上到天台睇星星,好彩Simon有影到借比我啫!
待續.....
沒有留言:
張貼留言