已經五年冇去旅行喇，今次我哋會十二個人去巴拉望(Palawan)潛水，我哋大約喺半香港仍然喺0+3，後來一公佈0+0，勁多人去搶機票，啲機票價錢已經貴咗好年前已經買定機票訂定酒店，因為疫情香港人好多已經最少三年冇飛過，當時，好彩我哋一早買定✌當時我哋第一個人見到有幾百蚊嘅特價機票佢就即刻買咗先，第二個人只喺考慮咗一日就要二千幾，到佢哋決定幾時去我先買機票已經要成四千蚊喇😒機票真喺海鮮價囉
今次我哋揀去巴拉望(Palawan)潛水其中一個原因喺為咗去搵儒艮(Dugong)，佢個樣同海牛好似，好可愛😍
巴拉望省（Palawan），是菲律賓民馬羅巴區下屬的一個省，由主島巴拉望島，以及周邊的卡拉棉群島（1,753平方公里）、庫約群島、巴拉巴克島等小島組成，南隔巴拉巴克海峽與加里曼丹島相望。另外，菲律賓聲稱部分南沙群島（卡拉揚群島）也歸屬該省。
巴拉望省總面積約1.7萬平方公里，是菲律賓面積最大的省，人口約90萬，首府和最大城市為巴拉望島中部的普林塞薩港。
21/1/2023我哋三個女子先一步過去，其餘九個人會遲兩日到，呢次喺我第一次咁多人一齊去旅行，一齊去潛水，真喺好開心好興奮😍
當日我哋搭宿霧太平洋航空9:25-11:40a.m.去馬尼拉，然後要再轉菲律賓航空14:30-15:35到Busuanga Island,去到酒店會有人接我哋機，由於我哋轉機時間只有兩個鐘多啲，所以真喺好趕，而菲律賓嘅航空時時都會有延誤，我哋兩程機都遲咗成個鐘先起飛😞不過隻機都會飛番快啲，最後遲咗半個鐘到馬尼拉🥱
到咗馬尼拉機場喺要先過海關，然後攞返自己嘅行李，我哋要由T3去T2再Check In轉機，過關時人又多佢哋做嘢又慢，我哋不停望錶好擔心趕唔切，一過關一個就去買當地電話咭，本身喺300披索但喺機場買要畀500披索(約$70港幣)而我哋兩個就衝去攞行李，因為之前已經喺深水埗$50買定可以用8日4G嘅電話咭，插入咭要喺手機設定度開番漫遊數據就可以用（但我好儍去到酒店都冇用佢哋嘅wi-fi上網，一日就畀我用晒4G嘅用量，之後七日都喺用龜速上網😖）
攞完行李我哋就跑去諗住搭佢哋嘅免費機埸巴士去T2轉機，去到個工作人員話架車啱啱開走咗，要等一個鐘先有第二班，但我哋之前上網見到人哋話15分鐘會有一班車，佢喺咪點我哋㗎？我哋就再問吓啲當地人，連佢哋都喺咁講，咁我哋唯有又跑去搭的士啦，去到的士站佢哋話要收1800披索（約港幣$260）當時真喺肉隨砧板上幾多都要畀啦，原來由T3去T2都幾遠吓，而馬尼拉又成日塞車，好彩當時都唔算好塞，最後我哋都趕行切上機😜所以喺馬尼拉轉機最好都要預番三個鐘以上😝但覺得菲律賓嘅機埸同交通都好混亂，好應該要改善一下
攞完行李出機埸原來要先畀200披索先可以出去喎😅
出到去有好多各酒店嘅人喺門口接機，我哋逐個牌望終於喺最後先搵到
佢哋有架七人車接我哋去碼頭坐船返去酒店（唔喺呢架😜）
我哋叫師機先車我哋去士多買定啲零食，因為嗰度喺一個島一間酒店，知道响酒店買一定會好貴
去到碼頭搭呢款船去酒店，沿路風景都好靚好寧靜
搭咗25分鐘左右船終於到咗酒店喇
(EI RIO Y MAR RESORT)
佢哋仲唱歌歡迎我哋，然後坐低畀嘢飲我哋，潛水店嘅人嚟同我哋傾吓聽日去潛水嘅嘢，再安排帶我哋返房
我哋三個人住一間房，共住8日酒店免費送咗一日畀我哋（只喺送嗰日唔包早餐）每人共$3660港幣
房內有夾萬、小雪柜、冷氣、風扇，亦有幾個位置都有插頭，足夠我哋三個人义攝影器材、電腦、電話，嗰邊喺用兩腳扁插，同中國、日本、台灣、泰國一樣嘅，亦會每人有一支一公升嘅水，不過唔會每日換新水畀你，而喺飲晒再幫你加水入個樽度，佢哋有時都會唔記得加要我哋出聲問佢哋攞
我哋先攞起潛水裝備放喺房門口出面嘅露台，佢哋會嚟同我哋攞返去潛水店，但有一個已經急不及待要即刻去夜潛喇😐睇吓佢幾忙要拿拿聲攞啲潛水裝備畀潛水店嘅人，而我哋兩個就嘆吓先慢慢執，周圍影吓相施施然先再去酒店餐廳叫定嘢食等佢潛完返嚟食喇😆
估唔到啲嘢食都幾好味，真喺有驚喜😋
除咗呢個Four Cheese Pizza戴假牙嘅朋友就食唔到喇，真喺會食到假牙都甩😅
食完佢哋仲送咗個甜品同好好味嘅腰果醬畀我哋，最後一日我哋都買番一樽返屋企食（450披索）
佢哋啲價錢都唔算好貴，每日都唔駛袋錢喺身，埋單講房號就得，到Check Out嗰日先一次過畀錢
呢餐食咗$1775披索(約港幣$254)
我哋每日出海潛水午餐都會响船上面食，所以都會喺食晚餐嘅時間訂定，而我哋每日都喺訂三文治，因為怕飯餸凍咗會好難食，呢度四款三文治都好好味，酒店好貼心每日都會幫我哋用個野餐藤籃裝住送上潛水船上，而我哋每次潛完水個身濕咗，無論喺船上或餐廳佢哋都會好快咁遞上大毛巾畀我哋，好窩心呀😇
沒有留言:
張貼留言