今朝晨雞咁早6:00要到潛水店集合，因為要去搵儒艮(Dugong)，佢喺草食性海生動物，類似喺海牛科（Trichechidae）近親，但棲息地唔同，佢喺海牛目中唯一仍生存喺印度-太平洋地區嘅物種，海牛喺圓尾鰭，而儒艮嘅尾鰭近似於海豚嘅Y形尾，突出嘴外嘅長牙就似大象。
船程要兩小時，酒店5:30就有早餐食，所以我哋未天光就起身去食早餐喇😓
真喺勁眼瞓上到船畀我哋搵到個正位瞓覺😜
到咗目的地船上嘅工作人員都分別企高喺船嘅各方，周圍搵Dugong嘅踨影，因為佢哋會每隔幾分鐘就會上水面唞氣，突然我哋有人喺船頭大叫前面有一隻呀，我哋走晒上船頭睇，離遠見到有啲啡色嘢浮喺面，跟住仲好似越嚟越多，但喺明明佢哋話呢度有三隻，點解會有咁多呢？原來嗰啲只喺水草囉😂
等咗好耐跟住呢次真喺有喇，由於佢哋好細膽，只要有小小驚嚇就會即刻走，所以我哋要分批輪流落去睇，而且唔可以跳落水，要細細聲行梯落水，我哋三個落先，點之我哋落咗水游前小小都未潛落去，佢就已經走咗喇，連佢個屁股都見唔到囉😖最後再等咗一陣都唔見就唯有開船過對面潛水喇😞其他人就連水都唔駛落😂
第八、九潛~Dimipac Island ,最深21m-水溫27度
一落水就見到海龜😍
呢隻海兔當時喺沙地完全唔覺佢咁靚，後來睇番啲相先知原來佢啲色喺咁靚😍
見到有條船撈繩生咗好多珊瑚同水草喺度，金精火眼睇吓有冇啲發現先，果然就搵到隻鬼海龍喇，呢兩張相我自己都好鐘意，影得好满意😍
經過兩日潛七次之後我個人已然虛脫咗咁，所以一出水面我就大叫No energy help me help me，跟住就有幾個工作人員，幾隻手嚟幫我除蛙鞋、BCD、氧氣樽，攞上船然後再拉我上船，之後我每次一上水面成船嘅工作人員都會一齊叫No energy😂
畀咗錢又搭咗咁耐船專登去搵Dugong 但喺就見唔到真喺好失望，潛水店話賠番一次岸潛畀我哋，都好過冇啦，始終野生動物又真喺控制唔到佢嘅，又要再搭番兩個鐘頭船返去喇，我哋三個又第一時間搵番嗰個正位瞓，呢程仲瞓到死咗咁😂
今日兩次日潛$2430披索（約港幣$347）
船費$3000披索（約港幣$428）
入埸費$1000披索（約港幣$143）
每人共$6430披索（約港幣$918）
返到潛水店行返過去餐廳時啱啱日落，見到呢個景好靚😍
沒有留言:
張貼留言