跟住去獅子園(Lion Park)睇獅子仔,佢地得四個禮拜大,超得意呀!
跟住去睇兩個月大嘅獅子仔,佢地都幾大隻吓,行入去真喺有啲驚
嗰度有啲好大棵嘅仙人掌同蘆薈
離開獅子園之後我地就去捕獵者動物世界(Predator World)又以為會比啲肉我地餵獅子老虎啦,點之又一次嘅失望,
不過一入去就有一隻好熱情嘅狗仔走埋嚟同我地玩,佢好得意架!
仲有一隻唔知係咩鼠係度行來行去,佢好可愛
隔離有一隻鴕鳥喺度跳緊舞
呢隻係驢馬(驢仔溝馬仔)
啲獵豹瞓晒覺
呢度啲獅子好大隻,我地喺個籠出面睇,佢地就喺入面左右不停咁行來行去,喺度揾緊機會想食咗我地落肚,都好得人驚架!
呢隻喺山貓,咁大隻嘅貓都係第一次見,佢個身仲有豹紋,唔通係度貓扮豹?
跟住我地去食百獸宴,有好多動物食,包括有大笨象,班馬,羚羊,鱷魚,梅花鹿.......等等,有啲真係唔敢食
啲侍應會义住啲燒好嘅肉埋嚟用唔咸唔淡嘅廣東話同你講喺咩肉,問你要唔要,好搞笑!
呢杯什果汁好好味,但千其唔好飲檸水,酸到爆架!我個朋友最後要問佢地攞包糖想加落去,但又唸起果杯喺凍飲加落去啲糖唔會溶喎!跟住佢就好搞笑咁將包糖先倒落自己個口度,然後再飲杯檸水,真係比佢笑死!
呢個喺粟米飯,但喺一啲味都冇嘅,要加啲汁落去先食得
我地見到個侍應隻腳好大隻,一問之下.....嘩!佢著15號鞋,喺我嘅兩陪半呀!
後來全間餐廳啲侍應都走晒過嚟我地張枱同我地玩,
我地倆個影完之後,我個男仔朋友就(New)住個鼻好大聲講(I am comeing)啲侍應突然全部散晒,唔喺樣衰成咁呀?嚇到全部都走晒?哦!原來喺個經理走嚟鬧走晒佢地,因為全部侍應都喺度同我地玩,其他人客就冇人理!
食完百獸宴之後我地就去參觀鑽石中心,南非鑽石喺就喺好出名,不過就一啲都唔平,佢地啲鑽石顏色淨度高,所以價錢都會高
行完鑽石中心我地叫個領隊帶我地去買手信,因為真喺個個人都未買到手信,返到香港點同啲親朋戚友交代呀!跟住佢就帶咗我地去間上樓嘅零食店買,一百蚊三包,都幾大包架!上邊除咗零食之外仲有啲蘆薈茶葉,蘆薈用品咁,於事我地又全部人喺度掃貨,掃完貨之後我地再去超級市場再買過,行行吓,佢地突然間喺超市唱生日歌比我聽,話而家喺香港時間十二點,正喺小妹嘅生日,真係比咗個驚喜我.
然後我地就去食晚餐,呢餐都喺食中菜,我地發覺喺南非食中菜每餐都會有碟豆腐,煮法仲要係一樣架!
食完之後個領隊又攞咗個生日蛋糕出嚟同我慶祝
我地呢團先後有兩個人生日,個團就買咗兩個生日蛋糕比我地同我地慶祝真喺好,之後問返個領隊原來喺佢自己私人比錢買嘅,唔喺公司出嘅,喺度真喺要一讚我地個領隊Jimmy,多謝你呀!
食完就返酒店,今晚喺喺南非住嘅第三間酒店,亦都喺喺南非嘅最後一晚,聽日下午就要上機離開南非返香港啦!真喺快,有啲唔捨得呀!
我見到個走廊幾靚咪影低佢啦!點之影完之後佢倆個就即刻鬧我,話走廊唔可以影架,會影到果啲嘢架!我地第二日喺部相機度將呢張相放到最大嚟睇,佢地話喺走廊最盡頭見到有個白色人影喎!我就睇唔到喇,唔知你地又睇唔睇到呢?
沒有留言:
張貼留言