呢間酒店啲侍應我覺得佢地冇乜禮貌,食物款又少,同之前果兩間差好遠,食完就梗係又周圍影啦!
之後我地就去最後一個行程黄金礦場(Gold Reef City)架車未到果陣我離遠見到有過山車喎!仲係度話點解啲行程冇得玩過山車架?去到之後....真係估唔到黄金礦場都會有過山車玩喎,我一定要玩呀!當個領隊去買入場票時,我地就梗喺唔會乖乖咁企係到等啦!
跟住就去睇礦洞,先會比電筒同安全帽我地,然後就要搭'車立'落去礦洞睇點攞啲金出來,我地搭緊果陣都要玩餐飽,又喺度用支電筒嚟扮鬼,又喺度扮牙醫照蛀牙,笑鬼死啲團友!
落完礦洞之後就去睇提鍊黃金表演
跟住又去睇4D電影
喺度都見到有孔雀周圍走
之後我地就梗喺狂玩過山車啦!哈哈!
去完黃金礦場就去食喺南非嘅最後一餐啦!呢餐都喺食中菜
食完要去機場返香港啦!真係好唔想走呀!又要搭果十三個鐘頭嘅痛苦機程啦!加埋時差會由第七日搭到第八日,真喺慘!其實我地只喺玩得五日半炸,真喺覺得唔夠玩!
仲唸住呢個行程會完滿結束,點之又有意外發生啦!我地一團人去到機場Check完In,過咗境,就喺機場入面啲鋪頭行吓等上機,當時大家都係齊到,點之上到機之後先發現少咗一個團友,就即刻同個領隊講,佢就即時落機連同啲地勤一齊周圍揾,又喺機場叫晒咪,中英文都叫齊,但喺都搵唔到佢,我地班機已經延遲咗半個鐘有多去揾佢,最後機師決定要起飛,真喺唔可以再等,我地全團人原本好開心咁一齊返香港,但喺而家十個去得九個返,個個都好唔安樂,好擔心佢唔知有咩意外,一個女人留喺南非又唔識英文點算好,搭咗一陣個領隊突然面青青咁走過嚟,佢話:"頭先啱啱瞓著就發夢見到唔知咗個團友,好驚呀!"佢咁講我地仲擔心佢真係出咗意外,我地個個都好唔安樂.
後來返到香港第二日再打電話比個領隊,問佢揾到個團友未,佢話已經揾到,個團友話佢當時肚痛去咗廁所,去完之後我地架機就飛咗,(唔喺掛?柯咁耐?我地架機都等咗佢半個鐘有多啦?)個領隊話啲地勤每個廁所都有入去揾過都揾佢唔到,邊可能仲喺廁所呀?
真喺一個迷喇?????
沒有留言:
張貼留言