沙巴五天潛水+美食-Day 1

2008年10月21-25日,第一次去沙巴,訂咗香格里拉海景套房package,心情好興奮.
第一日:早機8:00,我地遲咗去到機場搞到7:20先check in完,連早餐都冇得食,仲要飛奔上機.

喺沙巴機場搭咗十分鐘左右車就到SHANGRI-LA,

CHECK IN 後上房睇吓先,嘩 !真喺好正喎 !張床有八尺闊,個浴缸隔離喺幅大玻璃,睇到房內同露台個海景.

viedo
http://www.facebook.com/video/video.php?v=1028296595805

 除咗包每日自助早餐外,

 仲包一餐酒店自助晚餐,

同一次喺日落吧飲WELCOME DRINK,仲話果邊睇日落喺世界第三最靚嘅,可惜果邊每日一到四,五點就落雨,所以到走果日都飲唔到.
跟住我地就即時報 LOCAL TOUR去睇螢火蟲同長鼻猴,然後再去味雅雞食嘢,個雞飯都幾好味,啲雞喺新鮮嘅,好有雞味,

啲飯喺三角形好得意,

 
食完飯返酒店嘆吓個海景套房,沖個涼行吓等去睇長鼻猴同螢火蟲.
搭咗兩個鐘頭車去到,落車後有個下午茶供應,

食完之後坐船去睇長鼻猴,可惜太遠只喺見到有啲長鼻猴喺樹到跳來跳去,睇唔清楚個樣,將個相機拉到最近都影唔到,好失望,

不過坐緊船時就睇到日落,

 
睇完之後食個當地嘅自助餐

等睇螢火蟲,食完之後佢地突然熄哂燈等啲螢火蟲飛入嚟,好得意,一隻隻一粒米咁細嘅發光瑩火蟲飛入嚟,有一隻仲喺我隻手道唔走,

 
然後再坐船去樹森睇,一棵棵好似聖誕樹咁發光,好得意,可惜影唔到.
返到酒店有啲肚餓去酒店附近揾嘢食,行咗十幾分鐘揾到一個當地嘅大排檔,

 
望吓啲餐牌雖然全部喺英文但喺點解睇唔明嘅,見到有間有中文餐牌,就唯有揀呢間啦,點之.......中文同英文拼出嚟喺好奇怪,都喺睇唔明,望真啲英文拼出嚟比佢笑死,例如鐵板牛河英文喺 TET BAN BEEF RIVER真喺勁搞笑!

 最好味喺冬陰海鮮麵.