果然冇估錯,雖然啲價錢同香港差唔多,但喺又真喺好好味,呢個麵個湯底喺用新鮮雞煲架,真喺第一次食到用雞湯煮既餐肉麵
個雞尾包勁大個,同埋個葡撻都喺新鮮出爐好好味,不過就喺杯奶茶就差啲
食完早餐我地就去熊貓館,佢喺路環石排灣郊野公園裏面,入到去原來熊貓館逄星期一休息,吓......行到身水身汗冇得睇熊貓
咁唯有喺公園入面影吓相啦,都有其他嘢影吓掛
呢隻叫栗嘴鵎鵼個樣超得意,佢仲成日側起個頭望人好搞笑
影完就再去第二個賭場影過
影完又去搵嘢食,就喺高地烏街搵到呢間餐廳食嘢,食落都幾好味架
然後就去二龍喉公園影過,佢就喺士多鳥拜斯大馬路,嗰度原本有個纜車搭既,但喺又喺逄星期一休息唔開,有冇咁邪呀,連去兩個公園都喺咁架
呢個喺全世界最細既郵局
影完再去盧廉若公園
去到國父紀念館 點之又喺冇開
跟住就去行吓大炮台
行到身水身汗點之原來上邊冇嘢睇既
行番落嚟已經好攰,又去食吓嘢先,我地去咗十月初五街食雞鮑翅 點之食落啲味道唔喺好似樣
咁又再去多一間食過,呢間啲味道先似樣,仲要價錢平啲呀
影吓食吓咁就玩到天黑喇,好.....一不做二不休,影埋夜景先返至香港
沒有留言:
張貼留言