濕地公園-今日時晴時陰,間中有驟雨

第一次去濕地公園,出門口時都仲喺好好天,點之上咗車之後就一時晴天,一時落大雨,去到之後都喺咁,唉.....我又唔喺貴人,點解出親門都落雨架?  去到天水圍之後搭706輕鐵就到,都幾方便,入場費$30,一心諗住影埋日落,所以就三點幾先去到,點之影完一輪花花草草之後,諗住去影蝴蝶時,一入到去就有個管理員埋嚟話:小姐我地五點鐘關門,吓.....唔喺掛....山長水遠入到嚟,我一隻蝴蝶都未影到呀!呢次又比人老點咗喇!