樂浪島-馬來西亞(一次最開心的旅程)

   2006年4月,我地一行六人向馬來西亞-樂浪島出發.第一次咁多人一齊去旅行好開心.
 第一日:吉隆坡 -飲飲食食.
 第二日:雲頂-六個人住兩間房(打通果隻)玩到癲,嘈到爆.

 第三日:坐內陸機去樂浪島,第一次坐咁細架飛機

  只可以坐廿幾個人,一開始起飛機倉內就不停噴煙,好驚呀!發生咩事,全機都喺煙,哦!原來喺噴冷氣,比佢嚇死.大約搭咗半個鐘,望出窗口,嘩!好靚呀!啲海水好藍,藍到好似油落去,成幅畫咁.我地越去越興奮,因為越近酒店啲景就越靚,一去到就不得了,果度就喺夏日麼麼茶套戲果度,隔離仲有麼麼茶間屋仔

未check in 就不停影相

放低行李之後就即刻去浮潛.(果到間酒店包三次浮潛,而且每次都去唔同嘅地方,每日仲包三餐自助餐)

第四日:一朝早酒店安排我地出海去一個海岸公園度浮潛(比人老點叫我地唔好著鞋,因為要喺船落水行上沙灘,結果.......十大酷形呀!原來要行一段路先去到碼頭,果條路有好多石仔拮腳,我同另外個女仔一路行一路撕叫,啲男仔就好啲因為腳皮厚冇咁痛,但都痛到聲,不停咀咒老點我地果個人)但當我地去到之後所有嘅痛苦都喺覺得值得嘅,果到成個沙灘都係五顏六色既珊瑚.

 啲魚多到要撥開先游到,平時係街市見到啲雪藏咸水魚,果到都見到,而且仲喺活生生喺你面前游來游去,啲品種多到數唔哂,

 就連我個怕水嘅朋友都玩到唔肯走.
到咗黃昏我地租咗一隻船出海釣魚,就連我呢個釣魚白痴都釣到幾大條魚

 後來個船家釣咗條魔鬼魚上嚟,

佢比人釣咗上嚟之後就即刻穿羊胎水,仲生咗兩個BB出嚟,好恐佈呀!我地釣咗一桶魚上嚟,果晚我地總共食咗十三碟魚.

 第五日:好唔願意咁要走啦!每人都覺得三日喺呢個島實在太少好唔夠玩.返到吉隆坡 繼續飲飲食食,瘋狂購物(買手信)